Indi giç

INDI GIÇ

Köpler maňa: "Ýazmaňy goý!" diýdiler.
Eýýäm giç!
Men eýýäm göwreli duýgularymdan,
Indi hiç,
Hawa,
indi hiç
Köpleň maňa "ýazma" diýen sargydy.
Erkim berip şygryýetiň emrine,
Men erksiz magşuk men,
Erkin magşuk men.
Bökenimde gaýasyndan pikirleň,
Bir säw bilen Pegas eýledi halas.
Indi onuň taşlap giden ýerinde
Goşgy ýazmaklykdan ýok özge alaç!..
Hem alaç ýok mende, ine, şu derdim
Boýun alyp size duýdurarymdan:
Men eýýäm göwreli duýgularymdan!..

Zergül YLÝASOWA.