13:25 Kerep | |
KEREP
Ýaşyl "Wolga" süýnüp barýar ýol bilen, Gögerçin deý gelin, Ýigit hem bahar. Göreçleri dumanlapdyr dideleñ, Ýoldaky salgym deý ereýär takat. Ýa öñdäki ZIL-iñ sypdyran daşy, Ýa gelne ençe ýyl özün ideden Bagt guşy Urlup, "Wolgañ" aýnasyny Baglady kerep. A möýe derek Ikisine gerdi ganat - ýerganat. Ýaşyl "Wolga" siñip gitdi bahara... Ýaşyl "Wolga" süýnüp gaýtdy şähere... Gelin ses-selemsiz çugudyp otyr, A ýigide häzir derkar däldi gep... Şäheriñ üstünde eriş-argaç sim Misli bir kerep... Gelin öýe gelýär, Ýañy pyntyk ýaran üzüm dalbary Gerilip dur kerebi deý düşdüşiñ. (Wah, ýürek daşdan däl, ýogsa ol ony Atyp saljak mañlaýyndan başdaşyñ...) Oguljygy dolýar gelniñ gujagna, Ýöne gözlerine siñe seretse: Neresse çaganyñ iki görejem Duran kerep-le... Nobatguly REJEBOW. | |
|
√ Bize geçi bersene / Goşgular - 11.06.2024 |
√ Aldawçynyñ pañ-pañy / Goşgular - 18.01.2024 |
√ Salam, Türkmenistan! / Goşgular - 01.01.2024 |
√ Soňky sonet / Goşgular - 10.07.2024 |
√ Dertdir azapkeş / Goşgular - 23.05.2024 |
√ Şol işandan / Goşgular - 12.06.2024 |
√ Ýolbars we Möjek / basnýa / Goşgular - 05.01.2024 |
√ Döwrebap goşgy / Goşgular - 05.06.2024 |
√ Puluň başarnygy barada agymtyl goşgy / Goşgular - 10.01.2024 |
√ Ýagyş damjasy / Goşgular - 24.03.2024 |
Teswirleriň ählisi: 0 | |