09:41

Owaz

OWAZ

Söwer ýar, men seniñ mydam kalbyñda,
Men hemişe seniñ ýazyñdadyryn.
Jeñe ugradañda göz gyýtagynda,
Maña bagyş eýlän näziñdedirin.

Söwer ýar, men hyýalyñda-oýuñda,
Men hemişe seniñ ýazyñdadyryn.
Meniñ merdemligim hemem mertebäm -
"Jan" goşup tutulýan adyñdadyryn.

Söwer ýar, men elmydama gaşyñda,
Men hemişe seniñ ýazyñdadyryn.
Seniñ deñsiz-taýsyz ýylgyryşyñda,
Ruhuñda, demiñde, janyñdadyryn.

■ Ynsanlyk mukamy

Gör, ynsan ýaşap ýör ýagty dünýäde,
On sekiz müñ yklymlara perzent ol.
Deñ adalatly ol munda bar zada,
Ýagşylyga ak ýol, ýamana bent ol.

Sylaýar ol zemin bilen asmany,
Ýüregni örtmeýär tekepbir perde.
Pespälligi, belentligi maglumdyr,
Başy-ha - asmanda, aýagy - ýerde.

Ykbal ýükün göterýär ol gerdende,
Ozaly - hakyda, täji - çakylyk.
...Her pursatda, her ädimde, her demde,
Gözlerine seredip dur bakylyk.

Hajy KAKALYÝEW.
Категория: Goşgular | Просмотров: 371 | Добавил: Hаwеrаn | Теги: Hajy Kakalyýew | Рейтинг: 5.0/2
Awtoryň başga makalalary

Goşgular bölümiň başga makalalary

"Garrap ýörünmi ýa men..." / Goşgular - 01.01.2024
Çarwa arabyñ söýgüsi / Goşgular - 10.02.2024
Meniñ monologym / Goşgular - 01.01.2024
At galar / Goşgular - 11.02.2024
Aldawçynyñ pañ-pañy / Goşgular - 18.01.2024
"Bagşylara" / Goşgular - 07.02.2024
Gowy görülen goşgy / Goşgular - 05.01.2024
Ýolbars we Möjek / basnýa / Goşgular - 05.01.2024
Nädip ýaşamaly?! / Goşgular - 13.01.2024
Suwdan ot çykaran goşgy / Goşgular - 31.01.2024

Teswirleriň ählisi: 0
Teswiri diňe saýta agza bolan ulanjylar goşup bilýär.
[ Agza bol | Saýta gir ]