10:09

Bolsa ýagşy

BOLSA ÝAGŞY

Bir beýiklik küýsäp, daga bakaňda,
Belent gaýalary kert bolsa ýagşy.
Köňle maksat besläp ýola çykaňda,
Ynamyň polatdan berk bolsa ýagşy.

Ýoda-ýola eltýär, öwrülip aýlap,
Bilbil “bilbil” bolan ýadaman saýrap.
Ýigidiň durkunda dogum hem gaýrat,
Zenanda haýa hem görk bolsa ýagşy.

Ynsandan asgyndyr janly-jemende,
Adam “adam” bolup galýar belende.
Döwlet hem şan-şöhrat salam berende,
Joşan gursaklarda erk bolsa ýagşy.

Jylawlap başarmak gerek höwesiň,
Bolmaly öz ýüzüň hem-de öz sesiň.
Antlar içip, aldap bilýän näkesiň,
Anty bokurdaga merk bolsa ýagşy.

Bol täze eşikli, köneräk jully,
Jübiň pulsuz bolsun ýa bolsun pully.
Müzzerip durmasa alkymy gylly,
Ýigdiň her bir sözi pert bolsa ýagşy.

Biri diýýär: “Meniň ýalňyz başym bar,”
Biri diýýär: “Ýok palow, unaşym bar”.
Biri diýýär: “Mende üçje maşyn bar”,
Näsini aýdýaň dost, dört bolsa ýagşy.

Her kim bir zat atjak bolup duluna,
Bakýany az ýöräp barýan ýoluna.
Tomsuň jöwzasynda Günüň nuruna,
Ýüzüň ýanyp, gara ört bolsa ýagşy.

Wagt garaşmaz kim bolsaňam bolar çak,
Aslyña daýan-da asyl ýoluñ tap.
Ýazgytda baryny biljek ýalñyz Hak,
Ynsan ogly mydam mert bolsa ýagşy.

Azymberdi KAKAÝEW.

Категория: Goşgular | Просмотров: 462 | Добавил: Нawеran | Теги: Azymberdi Kakaýew | Рейтинг: 4.0/4
Awtoryň başga makalalary

Goşgular bölümiň başga makalalary

Тамара и певец её Шота Руставель / Goşgular - 12.02.2023
Sönmezek umyt / Goşgular - 21.01.2023
"Gara syýa bilen ýazyldy..." / Goşgular - 03.01.2023
Ogurla meni! / Goşgular - 07.01.2023
Астроном и агроном, в гастрономе «Метроном» / Goşgular - 06.02.2023
Keçe kakaňda / Goşgular - 15.01.2023
Quasi una fantasia / Goşgular - 25.01.2023
Милая дева, зачем тебе знать, что́ жизнь нам готовит…» / Goşgular - 28.01.2023
Плач Ярославны / Goşgular - 05.01.2023
Ymtylyş... / Goşgular - 13.01.2023

Teswirleriň ählisi: 2
2
1 Garaýolly  
27
Tasirli shygyr

0
2 Akjemal  
243
Döwlet hem şan-şøhrat salam berende,
Joşan gursaklarda erk bolsa yagşy

Teswiri diňe saýta agza bolan ulanjylar goşup bilýär.
[ Agza bol | Saýta gir ]