Bagtly gez!

BAGTLY GEZ!

Bu hoşwagt günleriň solmasyn ýüzi,
Şadyýan gez, nowjuwan gez, bagtly gez!
Dilsypat gybatyñ gülmesin gözi,
Şadyýan gez, nowjuwan gez, bagtly gez!

Şuglasyna gara baglar daranan,
Dolmuş Aý ýaşanda yzyn garanar,
Owurt suw derýadyr suwsap barana,
Şadyýan gez, nowjuwan gez, bagtly gez!

Ruhdan düşäýmänkäm duşan gözlegim,
Üýtgemesin seniň pamyk gõzleriň,
Hasratdan aýanym, gussa dõzmezim,
Şadyýan gez, nowjuwan gez, bagtly gez!

Belent dag deý gelip maňlaý diränim,
Sensiz uçar guşumyşym niräniň?!
Gõrmãwer yhlasyň uýan süýrãnin,
Şadyýan gez, nowjuwan gez, bagtly gez!

Akmeñz dünýäniñ göwnüni ýykman,
Guşlar saz ederler, saýrarlar hökman,
Seni ynjytmakdan uýalsyn ykbal,
Şadyýan gez, nowjuwan gez, bagtly gez!

Mämmetnazar BABANAZAROW.