Главная » 2019 » Sentýabr » 12 » Kaýda kalbymyñ yşgy
15:16

Kaýda kalbymyñ yşgy

KAÝDA KALBYMYÑ YŞGY

Ýylatmady dünýämi,
Ýyly gelen ýazlaram.
Kalby heýjana salan,
Şirin aýdym-sazlaram.
Götermedi göwnümi,
Kölde guba gazlaram.
Diñe eretjek özi,
Kalbymdaky buzlarym.
Kaýda kalbymyñ yşgy,
Saba-säher yzlaram.
Wysalyma ýetmesem,
Maýa kimin bozlaram.
Iki dünýäñ serwerin,
"Görse"- diýip gözlerim.
Çoýunyp Hak nuruna,
Söküp dagy,düzlerim.
Arşyñ-kürsüñ arasyn,
Perwaz urup gözlärem.
Ilden sowa düşse-de,
Ýörän ýolum,yzlarym.
Düýşde-huşda zar eýlän,
Didaryna gözlerim.
Yşgym, men ýola düşdüm,
Dowam edip gözlegim.

Gyzylgül ANNAGYLYJOWA.
Goşgular
Категория: Goşgular | Просмотров: 502 | Добавил: Gumlygelin | Теги: Gyzylgül Annagylyjowa | Рейтинг: 4.0/2
Awtoryň başga makalalary

Goşgular bölümiň başga makalalary

√ Men bir ýola... / Goşgular - 12.01.2025
√ Bu köňlüm zowrakyn aldy bu gün bir gunça leb gülruh... / Goşgular - 06.01.2025
√ Hatty benewşe, haddy läle, zülpi reýhandyr... / Goşgular - 12.01.2025
√ Ýar laglyň arzuwlar men, jana bereý sen şypa... / Goşgular - 06.01.2025
√ Eýledi ýar meni dert ile awara, medet... / Goşgular - 12.01.2025
√ Lolular / Goşgular - 08.01.2025
√ Dostum, arz et jemalyň, janymyz bolsun fereh... / Goşgular - 04.01.2025
√ Oňşuksyz öý / Goşgular - 12.01.2025
√ Dil pyrak odunda ýandy, galdy jan hijran era... / Goşgular - 12.01.2025
√ Bir dem ol dilber jemalyndan yrak olmak ne güýç... / Goşgular - 01.01.2025

Teswirleriň ählisi: 4
1
1 Garaýolly  
27
Ylahy shygyr. Liriki gahryman ylahy yshkyñ tasirinde jowlan uryan kalbyna real dunyaniñ nygmatlary dan rahatlyk tapanok. Barlygyñ aydym-sazam, showhun-shagalañam, hatda, peyzaj gozelliginiñ bir danesi bolan guba-gazlaram we beyleki cyrayly goze yakymly serishdelerem liriki gahrymanyñ kalbyna basalyk bermekden ejiz gelip dur. ,, Diñe eretjek ozi, kalba coken buzlarym" diyip, ol Beyik Yaradanyñ didaryna mayyl. ,, Kaydakalbymyñ yshky" diyip, fanatik rowushde tolgunup zarynlayar. Liriki gahrymanyñ kalby ylahy gayyplyga rowan meyilli bolup galyar. Cunki, ylaha berilen gahrymanyñ yshky,, kayda kalbymyñ yshky" diyip, yzlasa-da, ol onuñ oz kalbynda, oz ruhy dunyasinde yerleshen ahyry!

0
2 Akjemal  
243
Goşgy gowy. Yöne jemleme gowşak jemlenýär.

1
3 Мylayym  
83
Özüň ýaly, agras goşgy, Uýam. Okap, goşgynyň manysyndan täsirlenip, oýlanyp oturdym-da, seni gözöňüme getirdim.
Hemişe gussada ýaly...
Owadan zenan ýylgyrsa, hasam owadan bolýa. Ýaz ýaly ýazylyp, ýylgyryp ýazan goşgularyňam ýetirsene! Haçan bolar bu? smile

1
4 Gumlygelin  
8
Şygyrlary hem edil çörek ýaly tamdyrdan çykmaka sabyr-kanagat bilen siññitli bişirmeli.Emma men bu goşgyny kanagatsyzlyk edip bişip-bişmäkä saýta okladym smile

Teswiri diňe saýta agza bolan ulanjylar goşup bilýär.
[ Agza bol | Saýta gir ]