Elýetimden,
Dilýetimden uzakda
Gözýetimde,
Tüm garañky şäheriñ
Asmanyny sarsyp dogdy bir ýyldyz,
Ýok, ýyldyz däl,
Aýry dünýä,
saýýara...
Hernäçe bolsa-da alys, yrakda
Yşka düşeninde Seýpelmelegiñ
Senuberiñ ýörän dag-düzlerinde
Watanyndan jyda düşen awara
kimin dünýäñ hakykatyn, telegin
Bäş ýüz ýyllyk ýoluñ hunabasyny
Topugyna çalman yñdarlyp barýar...
Dek şo pursat...
Goduklady gara ýer,
Dört umman çar ýandan galdy çarpaýa
Ýene bu şäheri tümlük büredi,
Asman elewreýär,
Daglar ýöreýär...
Doýdumy ýok, dolmazy ýok ýalmawuz
Gara deşik holtumyna düýrläp
Ýuwtdy gögüñ barça ýyldyzlaryny...
Biziñ awaramyz şol gidişine
"Ýeriñ arkasyndan,
Gögüñ garnyndan"
gözläp tapmadygnyñ yşkyna köýüp...
Ýeñsesine geçip gara girdabyñ
Garawullap otyr artbujagyny
Haçan saýýarasy çykarka diýip...
@HAS gaty gowy goşgy, munyň üçin hiç jedel edip bolmaz, sebäbi menä munuň hiç bir manysynada, näme aýtjak bolýanynada düşünmedim, şular ýaly düşnüksiz hyýalbentli goşgularyň höwri köp bolsun inim.
Golýetimden, dilýetimden diýip alsa has gowy boljak. Seýpelmelek bilen Senuber dogry gelenok. Gül-Senuber. Dek şo pursat gowy söz düzümi. Asman elewereýär Daglar ýöreýär. "Gün ýörär aýlar görnere" ýanama bolupdyr. Makul. Emma klassiklerden meňzetme alsakda, ýa ýanasakda goşa dyrnak gerek. "Ýeriň arkasynda, gögüň garnynda". Umuman, gowy diýýän.
Şu ýerde ýene bir zady aýratyn belläsim gelýä. Edebiýatymyza Osman agadan soň Has Türkmen ýaly täze sözleri alyp gelýän az-azdyr. Muny biz är kimin boýun alaýmaly.
Teswiri diňe saýta agza bolan ulanjylar goşup bilýär. [ Agza bol | Saýta gir ]
0
