DUÝDURYŞ
Ederin bilmese her kim,
Başar ýeňse gaşamagy.
Topragym öwretdiň maňa,
Pikirlenip ýaşamagy.
Hiç ýadymdan çykmaz şol gün,
Beýle pursat undulmaýar.
Eý durmuşyň berk kanuny
Sen kalbymda doňduňmy ýa?
Ýogsa, heniz çagadym men,
Gögeleje, ylgap ýören.
Kän zat öwrenen ekenim,
Ene topragym seň bilen!
Şol gün men gördüm bägüli,
Elwan roýun synlap durdum.
Pikir etmezden soňuny,
Näzik güle penje urdum.
Dessine-de çekdim elim,
Zer-zawdy meň aýalarym.
Bu günem ýatladym şony,
Pikirlenmän paý alanym.
Ene topragym goýnuňda,
Gördüm alna gelenlerin,
... Giç düşündim şol gün eken,
Maňa pata beren günüň!
Azymberdi KAKAÝEW.
