Bagyşla!

BAGYŞLA!

Sözlemedik sözleriñi eşitdim,
Ylhamly baharda, melhemli gyşda.
Göwnüñ galan bolsa tomusda, güýzde,
Haýyş edýän, bu gün meni bagyşla!

Ykbalyn aýdymyn bile aýdaly,
Bagtymyzdan tar ýasanyp ýagyşda.
Goý, ýürek ynjalsyn, heýjana gelsin,
Ýalñyzlyk elinde, meni bagyşla!

Öñde-soñda wysal bolar arzuwym,
Öýke-kine bardyr bu juwan ýaşda.
Günäsiz gözýaşym görýäniñ üçin,
Haýyş edýän, oglan meni bagyşla!

Söýmek - özge üçin pida bolmakdyr,
Ak ýollarda täze ädime başla.
Gamly günde ýetişersiñ, ezizim,
Häzir bolsa, dünýäm meni bagyşla!

Altyn BAÝRAMDURDYÝEWA.