20:45 Rubagylar | |
RUBAGYLAR
Doganyñ dost bolman biler dünýede, Ýegeniñ dost bolman biler dünýede. Diýipdirler: çyn dost mydam dogandyr, Dostluk güli solman biler dünýede. * * * Pişik ýoluñ kesse, edýärsiñ pikir, Soñra gaýgylanýañ, dem alýañ çukur. Goý, pişikler geçse geçsin öñümden, Ýolumy töhmetçiñ kesmänne, şükür! * * * Gopbamsyrap tutma özüñ beýikde, Hassañ jany sal üstünde - gaýykda. Derman-däri edýärkäñ oñ derdine, Diliñ bilen synan göwün seýikle! * * * Tanamaýan ýokdy Ata Köpegi, Il içinden alardy ol sapagy. Elde däl, dilinde bardy galamy, Aýakda-da - satiradan çepegi. * * * "Sözüñ ýuwan" diýip, duz atdy atam, "Gözüñ gorkak" diýip, köz atdy atam. Enem bolsa, mähri bilen suwardy, Indi kürtdüräýsem, geçilmez hatam. * * * Derim saçyp, gülledeýin baglary, Pyýada sökeýin düzi, daglary. Bulut kölegesin küýsäp duramok, Goý, meni daglasyn Günüñ çoglary! * * * Many gözläñ arryk atyñ özünden, Bildirip dur, sypalandyr ýüzünden. Bir gün göwüsbendi dakdylar oña, Janaweriñ ýaş syrykdy gözünden. * * * Watany jan-dilden söýer gerçekler, Duz-çöregnem halal iýer gerçekler. Diýseler: "Näme bar janyñdan eziz?!" "Diñe Watanym bar!" diýer gerçekler. Meretguly GARRYÝEW. | |
|
√ Dertdir azapkeş / Goşgular - 23.05.2024 |
√ Ala ýektaý bedroý / Goşgular - 11.06.2024 |
√ Meniñ monologym / Goşgular - 01.01.2024 |
√ Perişan kalbyñ umydy / Goşgular - 01.01.2024 |
√ Şol işandan / Goşgular - 12.06.2024 |
√ Dostluk / Goşgular - 26.05.2024 |
√ Päliýamanlar / Goşgular - 20.05.2024 |
√ Bozajak seni / Goşgular - 22.05.2024 |
√ Yşk heseri / Goşgular - 21.06.2024 |
√ Ata-ene hakynda / Goşgular - 18.05.2024 |
Teswirleriň ählisi: 0 | |