21:53 Zelili | |
ZELILI
Jeýhun gol uzadyp Bahry-Hazara, Senden alýar güýç-gaýraty, Zelili. Sözleriñ öwrülip göwhere-zere, Ýitirmändir görk-gymmaty, Zelili. Alkyşlaryñ bilen beýgelen daglar, Şygyrlaryñ bilen eýlenen çaglar, Gül-pürçek gujagna düşen meýdanlar, Gördi senden kän hormaty, Zelili. Gözleriñ düşüpdir nurly zamana, Gara öý - gün görmedik dek hamana, Ejir berip gelen her musulmana, Parçalapsyñ bar zulmaty, Zelili. Ýigitleriñ iş kylanda pert bolup, Ýow-ýagyñ dahana düşdi gurt bolup, Gözelleñ söz berdi misli mert bolup, Saklamaga salykaty, Zelili. Gyzlaryñ geýipdir elwan-alyny, Üýşürip saçagna nygmat baryny, Hersine "Kaksyn - diýp - ýürek taryny - Beripsiñ sen sahawaty, Zelili. Görseñ tanamarsyñ Türkmenistany, Ne gyşy galypdyr, ne-de borany, Häzir Diýar şöhrat DIÝARY, şany - Dilden düşmez delalaty, Zelili. Azat dillerinde ýürek galkynar, Il-günüñ ýaşaýar meñzäp ýalkyma, Dolandy döwranlar dogan halkyña, Gel, görmäge adalaty, Zelili. Fahreddin ALYÝEW, azerbaýjan şahyry. Terjime eden: Ahmet MÄMMEDOW. | |
|
√ Rubagylar / Goşgular - 01.01.2024 |
√ Yşk ymamdyr bize, köňül jemagat... / Goşgular - 22.10.2024 |
√ Asmaýar / Goşgular - 07.09.2024 |
√ Pyragyň kyssasyn söýdüm / Goşgular - 24.06.2024 |
√ Döwür oýlanmasy / Goşgular - 22.06.2024 |
√ Rubagylar / Goşgular - 13.01.2024 |
√ Baýrak / Goşgular - 16.08.2024 |
√ Janymdan özge ýary... / Goşgular - 02.08.2024 |
√ "Gitdim senden ilerledip ümzügi..." / Goşgular - 01.01.2024 |
√ Eý, kerim-u lem-ýezel... / Goşgular - 02.08.2024 |
Teswirleriň ählisi: 0 | |