08:33

Äleme belgilidir

ÄLEME BELGILIDIR

Dostlar-a, dostum meniň şirin jandan söýgülidir,
Jan kibi pynhan jahanda äleme belgilidir.

Baş bile barsam aňa, handan olursa güzeri,
Tutsam ol ýerde watan, ol ýer ki anyň ýoludyr.

Diýrdi ýar: Men aşygym öz elim le katl edem,
Andan owwal gam meni paýmal edip almalydyr.

Özge aşyklaryň olsa paýy bent zülp-taryna,
Men garyby-bendäniň hem eli, hem aýagydyr.

Gaýry le bezm eýleýip, eýlese hoş köňlüni ýar,
Mejlis içre ýat edip diý: “Ol garyp gaýgylydyr”.

Ýar geler, wagt-da gider, gaflata batmyş gözlerim,
Açaýyn diýsem, açylmaz, ne agyr uýkulydyr.

Bilmeýen soranlara aýdyň bu garyp adymyz,
Asly gerkez, ýurdy Etrek, ady Magtymgulydyr.

Magtymguly PYRAGY
Категория: Goşgular | Просмотров: 721 | Добавил: Nurdan | Теги: Magtymguly Pyragу | Рейтинг: 5.0/3
Awtoryň başga makalalary

Goşgular bölümiň başga makalalary

Estagfurullaly bentler / Goşgular - 14.02.2024
Garyp köñlümiñ soltany / Goşgular - 21.02.2024
Lenç edilen nakyl / Goşgular - 05.02.2024
Günüñ monology / Goşgular - 01.01.2024
Goltugy daşly adam / Goşgular - 05.01.2024
Düýş hem ýagyş / Goşgular - 09.01.2024
Atsyz goşgy / Goşgular - 31.01.2024
Ynanarmykan? / Goşgular - 30.01.2024
Täjir tanşyma / Goşgular - 16.01.2024
Ýolbars we Möjek / basnýa / Goşgular - 05.01.2024

Teswirleriň ählisi: 0
Teswiri diňe saýta agza bolan ulanjylar goşup bilýär.
[ Agza bol | Saýta gir ]