Köpek

KÖPEK

Obañ ýeñsesinde, bir el tersine
Edilen iş – gara işe nusgalyk.
Ýatyr bezeg berip ýeriñ üstüne –
Bir owadan köpek, dañylgy maslyk.

Ýatyr köpek rahat, azapdan azat,
Günäsinden, janyn berip, üzülip.
Eh, ýöne henizem bahana arap,
Maslygyñ boýnundan dañylgy dur ýüp!

Nädip öldüreñde bolmaýar iti?!
Aryñ alyp öldür, öldür keýpine.
Ýöne soñky demde gowşadyñ ýüpi –
Bir gowşaklyk duýsun soñky deminde.

Ýatyr köpek özün siñdirip ýere,
Ýowuz nadanlygyñ bir pidasy dek.
Hem çañ basan ýüpüñ çala sudury
Türmede öleniñ familiýasy dek.

Bapba GÖKLEÑ.