Bir bakyş

BIR BAKYŞ

Bütin barlyk süňňi bilen doňanda,
Ýeller köçelerde galanda gatap,
Gijeler hyýalym ýüpsüz daňanda,
Ýatlamalar duýgularmy yralap,
Ilki seni tapar ýyllaň gatyndan,
On ýediň ak gary hemem duralga.
Aýagym ýer tutman, aýlap başyndan,
Wah, heniz kämil däl yşkyň uranda.

Köpçülikde ga:ra bulap alypdy,
Oglan başa oýun salan erkimi.
Ana, şonda bolmasyz iş bolupdy,
Bolmaly işleriň berip merkini.

Seni idäp, bir asmana uçmadym,
Gözleý-gözleý, ýerde umytlam tändi.
Ýitdiň, gitdiň, gitdiň...
Soňam duşmadym.
Bir ömre bir bakyş azrak dälmi...

Myrat GURBANOW.