Pälim pes bolsa-da, göwnüm gitmesin,
Adampisint şeýtanlaryñ alyna.
Ynsanlyk perdesi syrylyp ýüzden,
Bu şeýtanlar has köpelen ýaly-la.
Altyn balyk awlan balykçy deýin,
Alanyn az görüp, ýene-de gözläp.
Al bilen tor gurup ýagşy pällere,
Deñiz deý çyrpynyp, şelaýyn sözläp.
Ýaran gözläp, höwür küýsäp özüne,
Gelip meniñ dogry ýolum peýlese.
Aýlansa daşymdan altyn-zer bilen,
Gapyl gözlem! Şeýtan guran meýlise.
Görmesin gözlerim, nägile-de däl,
Şelaýyna gol bermedik synamdan.
Indi göwnüm arşyñ soragyndadyr,
Aslyşmagyñ haýry ýokdur synymdan.
Gyzylgül Annagylyjowa.
