Oguz han atamyzyñ ruhunyñ senasy

OGUZHAN ATAMYZYŇ RUHUNYŇ SENASY

— Döwlet gurduň, döwlet berdiň, şükürim kändir, Ogul, 
Baş ýörelgäň, baş göreldäň Watana şandyr, Ogul.

Sowulmaz döwran getirdiň, gadym oguz iline,
Beýik Taňry kuwwat bersin paýhasyňa, biliňe!

Gül Diýarda toý tutulýar, jem bolupdyr jemagat, 
Bagta ýeten ata Watan heň bolup dur, keramat!

Ädimleriň adamlaryň ykbalyna uzaýar, 
Kalby Kuýaş taglymyňy älem-jahan unaýar.

Sahawatly, güýç-kuwwatly, dünýä haýran dogmuňa, 
Ata Watan buýsanyp dur öz Gahryman Ogluna.

Bedew batly, berk binýatly ata Watan jygaňdyr, 
Kalby görkden külli türkmen seždegähiň, dowamdyr.

Aslyň oguz, kesbiň, Ogul, bu millete ykbaldyr,
Tutumlaryň, gadamlaryň şan getiren ahwaldyr.

Pederlerden pata alan ak paýhasyň dürdäne,
Milletine mähir beren gerçek Ogul merdana.

Seniň bilen ata Watan, türkmen ili bagtyýar,
Erkdensiň Sen, berkdensiň Sen, görkdensiň Sen, Arkadag!

Dünýä dursun, halkyň dursun, bagtyň dursun,
Arkadag! 
Dünýä dursun, Watan dursun, tagtyň dursun, Arkadag!

Agamyrat SOLTANOW.