21:16 Ýandyrdyñ, Leýli! / ýarym degişme | |
ÝANDYRDYÑ, LEÝLI!
Serim sämäp durka, garap gaşyña, Güjeñläp görünýän ýumry döşüñe, Gurçuk köwläp, zer çaýylan dişiñe, Aldatdym özümi, ýandyrdyñ, Leýli! Nireden ýolukdyñ, menziller aşyp, Gomlar gelýän ýaly üstüme süýşüp, Aýagym sandyrap, ýüregim çaşyp, Başyma baýguşy gondurdyñ, Leýli! Ejem pahyr: - Alma! - diýip, ýalbardy, Señ geýeniñ tamman däl-de, jalbardy, Gör, nirede, haýsy melgun gol berdi, Ýüregimi buza dönderdiñ, Leýli! Bagy-bossanymy weýran eýlediñ, Sergezdan depede haýran eýlediñ, Mensiz seýilgähde seýran eýlediñ, Ýanan çyragymy söndürdiñ, Leýli! Allanäme günüm bardy dargatdyñ, Ak süýt beren, ak käbäme gargatdyñ, Alynmadyk aýlygymy bergi etdiñ, Başyma kyýamat inderdiñ, Leýli! Nurgeldi Çakany ýakdyñ-ýandyrdyñ, Gök eşege ters bakdyryp mündürdiñ, Diliñ bilen dişlerimi syndyrdyñ, Geplesem gomuma gondurdyñ, Leýli! Nurgeldi ÇAKANOW. | |
|
√ Pikir / Goşgular - 25.08.2024 |
√ Ak buýnuzly ak maral / Goşgular - 01.01.2024 |
√ Baýram handan gazallar / Goşgular - 14.08.2024 |
√ Bazar oýlanmalary / Goşgular - 07.09.2024 |
√ Agta han / Goşgular - 09.08.2024 |
√ Ömrümde / Goşgular - 05.07.2024 |
√ Hindi gyzy / Goşgular - 31.08.2024 |
√ Ker bolar gulak / Goşgular - 12.06.2024 |
√ Was-wasylara... / Goşgular - 23.01.2024 |
√ Ged enarel-yşka-lil-uşşagy min hejel huda... / Goşgular - 02.08.2024 |
Teswirleriň ählisi: 0 | |