16:23 Rubagylar | |
RUBAGYLAR
Düñle gara daglar otyr dymyşyp, Depesinde bulut gezer gamaşyp, Daşdan syzyp çykan tämiz çeşmeler, Özlerine ýol ýasanar zomaşyp. * * * Güne baksañ agyr oýa batyrar, Aýa baksañ, arzuwlara atarar, Ýeterlik bolanda erkiñ, gaýratyñ, Arzuw seni maksadyña ýetirer. * * * Isleseñ dünýäde ömür sürmegi, Başarmalt döretmegi, gurmagy. Gözleme baýlykdan bezeg-zynagy, Akyl saña berer görki-görmegi. * * * Işi şowlanlaryñ armany bolmaz, Bolsady ekeniñ harmany bolmaz. Açlyk belasyna tapylsa çäre, Dokluk belasynyñ dermany bolmaz. * * * Ýigitlikde peşgeş alan maýymy, Wagtynan ir batyp giden Aýymy, Süýji arzuw bilen salgyma çapyp, Agtaryp ýörün men ömür taýymy. * * * Käte oýlanýaryn, tutup kellämi, Sygdyraýjak bolup bütin älemi, Unutmalyñ pikirlere gark bolup, Bize peşgeş galan Tañry salamy. * * * Almaly zat dilenmeli bolmasyn, Doýup-doýman ýalanmaly bolmasyn. Özüñçe bir baryn-ýoguñ öñünde, Boýun burup, ýalynmaly bolmasyn. * * * Ne agyr wadadan, lebizden dänmek, Ne agyr ýalynsyz, tüsseläp ýanmak, Ne agyr hemişe arzuwda ýaşap, Maksada ýetmezden didardan ganmak. * * * Biz bu dünýä gezelenje gelmedik, Il-güne gatyldyk, ýeke galmadyk. Ýaşadyk asuda, gezdik erkana, Ýañylsak-da ýalynjañ-a bolmadyk. Kakajan ATAÝEW. | |
|
√ Шоколадка / Goşgular - 27.07.2024 |
√ Erjellik / Goşgular - 05.01.2024 |
√ Ol ne ýüzdür aşyk olmyş jümle şeýhi-şap oňa... / Goşgular - 12.09.2024 |
√ Gaýtawul / Goşgular - 31.08.2024 |
√ Zenan imany / Goşgular - 08.07.2024 |
√ Rubagylar / Goşgular - 13.01.2024 |
√ "At bilen kowalap gördüler ony..." / Goşgular - 01.01.2024 |
√ Men ýene / Goşgular - 29.08.2024 |
√ Hindi gyzy / Goşgular - 31.08.2024 |
√ Yşk ymamdyr bize, köňül jemagat... / Goşgular - 22.10.2024 |
Teswirleriň ählisi: 0 | |