17:24 Balam | |
BALAM
Ses ýeterden, söz ýeterden, Oba-gara, ýakyn-ýadym Mähremlerim, mähribanym, Yzda galdy, daşdyr ara. Içimdäki ýekelige, Ýalňyzlyga, gam-laýyna, Pikirleriň, hyýallaryň, Ahmyrlaryň jem jaýyna, Bir bakyşda, ýylgyryşda, Gulp ur balam! Bu jahanda diňe sensiň, Barym, bagtym, genji-känim, Ýylgyraňda dünýä ýazdyr, Gülkiň ajap aýdym-sazym. Bilbilleriň owazyna sesiň goşup oýna balam Çagalygyň höziri kän hezil edip ýaýna balam. Hiç bolmasyn başyňda dert, Didäň düri bagtdan bolsun! Sözledigiň galp bolmasyn, Ýalan gepden, ýersiz hörpden, Güberilip, güpberilip Hergiz-hergiz ýörme balam! Merdem hem mert, sözleriň pert, Il sözüňe aşyk bolsun, Kalbyň syryn açyp duran Gözleriňe aşyk bolsun. Ejeň barka oýna oglum Bagt derýasyn boýla oglum Çünki enäň gujagynda ýedi Jennet, Dünýä oglum, Agtyjaklam bolanynda, düşünersiň maňa oglum. Süýji durmuş, süýji dünýä, Ýalançyda ýaz kän balam. Aňzak gyşdan, jöwzalardan, Öwrenere zat kän balam. Ynamymy kül eýleme, Arkadagym, ýürek bagym. Bu ýollarda bagtyň bolsun Ýüwrük atyň büdremesin, Ukla dünýäm, ukla balam Ejeň seni her gün şeýdip, Söýgi bilen hüwdülesin... | |
|
√ Sumbaryñ kenarynda / Goşgular - 01.01.2024 |
√ Ballaryň islär / Goşgular - 22.08.2024 |
√ "Garrap ýörünmi ýa men..." / Goşgular - 01.01.2024 |
√ Döwür oýlanmasy / Goşgular - 22.06.2024 |
√ Ýapdym aýnaň tutysyn / Goşgular - 30.08.2024 |
√ Muhammet / Goşgular - 27.08.2024 |
√ "Zülpükar gylyjy Hezret Alynyň..." / Goşgular - 27.08.2024 |
√ Göwünlik / Goşgular - 12.08.2024 |
√ Içgepletme / Goşgular - 12.05.2024 |
√ Bazar oýlanmalary / Goşgular - 07.09.2024 |
Teswirleriň ählisi: 2 | ||
| ||