20:39 Wagt hakda bäş kelam | |
WAGT HAKDA BÄŞ KELAM
Dünýä döräp ýaşan bir adyl kazy, Döwürleň, eýýamlaň ol hasapbazy. Öz kanuny bilen çykarýar höküm, Adalatam özi, jelladam özi. *** Gör bak wagtyň süýnüp geçip barşyny, Hiç kimsä ýetdirmän gaçyp barşyny. Ynsan oň hökmünden goranjak bolýar, Ol bolsa kertip ýör, daglaň gerşini. *** Islesekde, wagty saklap bolmaýar. Sekund geçdi, yza gaýdyp gelmeýär. Geçmişi barlyk bil, geljek gümana, Häzir ne iş boljak hiç kim bilmeýär. *** Wagtyň goýan tagmasyndan gaçma ýok. Wagt köprüsinden yza geçme ýok. Wagt duşumyzdan derýa deý akýar, Arman, oň suwundan ganyp içme ýok. *** Geçdi gitdi, geçdi gitdi bu pursat, Kä gysyldy, kä gyýyldy bu gursak. Durmuşyň gyzygy bormydy heýde, Elmydam şu ýaşda, şu durkda dursak. Azat NURGELDIÝEW. | |
|
√ Hindi gyzy / Goşgular - 31.08.2024 |
√ Ýasama gül / Goşgular - 15.05.2024 |
√ Bu jany gördüm / Goşgular - 19.08.2024 |
√ Sen adam aslyň hakda / Goşgular - 11.07.2024 |
√ Döwür oýlanmasy / Goşgular - 22.06.2024 |
√ Janymdan özge ýary... / Goşgular - 02.08.2024 |
√ Lenç edilen nakyl / Goşgular - 05.02.2024 |
√ Päliýamanlar / Goşgular - 20.05.2024 |
√ Şol işandan / Goşgular - 12.06.2024 |
√ Men ýene / Goşgular - 29.08.2024 |
Teswirleriň ählisi: 4 | ||||
| ||||