19:00 Arzuwym | |
ARZUWYM
Alysdan görünýän kerwene meñzäp, Ömrüm geçip barýar göýä düýş bolup. Başym çalarsa-da, ylhamym dyñzap, Göwün guşum ganat kakýar ýaş bolup. Erkim ýetip il bähbidin arasam, Dert paýlaşyp hassa halyn sorasam, Armanym ýok il derdine ýarasam, Ýagşa ýoldaş, ýamanlardan daş bolup. Alla aýyrmasyn abraýdan, atdan, Gorasyn beladan-beterden, otdan, Ajy söz eşitmän ýakyndan-ýatdan, Gezsem hemmelerden göwnüm hoş bolup. Kelam açyp haka gullukda dursam, Neslime pederleñ pendini bersem, Agtygmy öýerip, çowlugmy görsem, Toýlar tutsam neberäme baş bolup. Dosta teşne bolup insem güzere, Gürrüñleri gönezlikdir ýazara, Duşup Osman Ödä, Gurbannazara, Otursam, tirkeşsem, hemsyrdaş bolup. Pygamber Resulyñ ýaşyna barsam, Beýik Pyragydan sahawat görsem, Diýr Senaly, şygyr söhbetin gursam, Daşgyn ogly Gurbanýaza duş bolup. Didarberdi ALLABERDIÝEW. | |
|
√ Sokrat / Goşgular - 16.05.2024 |
√ Suwdan ot çykaran goşgy / Goşgular - 31.01.2024 |
√ Kakama / Goşgular - 26.06.2024 |
√ "Ýa suwa, ýa-da samana..." / Goşgular - 22.07.2024 |
√ Goşa ýürek / Goşgular - 22.06.2024 |
√ Gezek ýetirse / Goşgular - 29.05.2024 |
√ Ýatlama / Goşgular - 22.06.2024 |
√ "Gelin jan..." / Goşgular - 26.03.2024 |
√ Pilmahmydyň ölümi / Goşgular - 30.05.2024 |
√ Garrylyk bazary / Goşgular - 24.05.2024 |
Teswirleriň ählisi: 1 | |
| |