Sere gelen setirler

SERE GELEN SETIRLER

Sabyrly bol, kä gys dişi,
Howlukmaçlyk şeýtan işi.

***
Durmuşyň meňzär bägüle,
Ýüz dollar däl, ýüz dost dile.

***
Dosty ýoguň duşmany ýok,
Ýagşy dostlyň puşmany ýok.

***
Kyn pursatda mertlik bolsun küýüňde,
Hüşgärligi unutma şat günüňde.

***
Ýerin bilseň gowy gylykdyr dymmak,
Hakykat dag ýaly gyzyldan gymmat.

***
Haýyr ýokdur giç edilen puşmandan,
Ygtybarsyz dostlar erbet duşmandan.

***
Pulsuzluk alada getir adama,
Puluň bolsa, pul getirer mydama.

***
Nanyňy ber her kime,
Iýme her kimiň nanyn.

***
Goh-galmagal saz bolmaz,
Birki gülden ýaz bolmaz.

***
“Men seni söýýän” diýp, zowlatdyň ýördüň.
Men dişimi gysyp, owratdym ýördüm.