Ätiýaçlyk hekaýaty

ÄTIÝAÇLYK HEKAÝATY

Guşlar üýşüp sorag beren Jikjikä:
“Aýagyň galdyryp ýatmaň nämekä?

Näme üçin biziň ýaly ýatmaýaň?
Syryn sorasagam hergiz aýtmaýaň.

Guşlaryň bolmaýar ýassyr-bussury,
Senem bize aýan eýle bu syry!

Jikjiki olara beripdir jogap:
“Biläýmeli zady dursuňyz sorap.

Birden asman hopup, gaçaýsa aşak,
Bilmeris ahyryn biz munda ýaşap.

Şoň üçin aýagym galdyryp ýatýan,
Gögüň hoparyndan howatyr edýän.

Ony saklap bilerinmi ýa-da ýok,
Emma ätýaçlygy elden beremok.”

...Ätýaçlygy elden beräýseň bir gün,
Gümansyz köpeler alada-görgiň.